இலங்கையின் சுகாதார குறிகாட்டிகள் கடந்த சில தசாப்தங்களாகப் பிராந்திய சராசரியினை விட உயர்வாகவுள்ளன. மேலும் முன்னேறுவதற்கு, நோயாளிகளை மையமாகக் கொண்ட தரமான பராமரிப்பு மற்றும் நோயாளியின் பாதுகாப்பில் சுகாதார அமைப்பு அதிக கவனம் செலுத்த வேண்டும்.
நாட்டின் பெரும்பாலான மருத்துவமனைகள் தரம் பற்றிய பல்வேறு வகையான கருத்துக்களை சோதித்திருந்தாலும், பல்வேறு காரணங்களால் அவை தொடர்ச்சியான முன்னேற்றத்தை பராமரிப்பதில் தோல்வியுற்றன. இந்த அமைப்பில் அடையாளம் காணப்பட்ட முக்கிய காரணம், நாடு முழுவதும் சுகாதாரத்துறையில் தொடர்ச்சியான தர மேம்பாட்டை வழங்குவதற்கான தொடர்ச்சியான தொழில்வாண்மை அபிவிருத்தி இல்லாமையாகும். இதற்கு முக்கிய காரணம் சுகாதாரப் பராமரிப்பு மற்றும் பாதுகாப்புத் துறையில் பயிற்சியாளர்கள் இல்லாமையாகும். தொடர்ச்சியான தர மேம்பாட்டை வழங்குவதில் திறமையான முதன்மைப் பயிற்சியாளர்களை அபிவிருத்தி செய்வதற்கும், மாகாண மட்டங்களிலும் புற மட்டத்திலும் நீடித்த தன்மையை பேணுவதற்கான நடவடிக்கைகளை முறையாக செயல்படுத்த வேண்டியதன் அவசியத்தை இது தெளிவுபடுத்தியது.
அதன்படி, சுகாதார பராமரிப்பு மற்றும் பாதுகாப்பு பணியகம் தொடர்ச்சியான தர மேம்பாட்டில் பயிற்சியாளர்களுக்கு பயிற்சியளிக்கும் திட்டத்தைத் தொடங்க தேவையான நடவடிக்கைகளை எடுத்துள்ளது, இது ஒரு நபரின் திறன்களையும் தர மேம்பாட்டில் திறமையான நிபுணராக மற்றவர்களுக்கு பயிற்சி அளிக்கும் திறன்களையும் வளர்ப்பதை நோக்கமாகக் கொண்டுள்ளது.
மேலும் சுகாதார அமைச்சின் ஒத்துழைப்புடன் சுகாதார பராமரிப்பு மற்றும் பாதுகாப்பு பணியகமானது (DHQS) 2015 ஆம் ஆண்டில் முதன்மை பயிற்சியாளர்களுக்கான கையேட்டை மும்மொழிகளிலும் உருவாக்கியது.
தேர்ந்தெடுக்கப்பட்ட சுகாதார நிறுவனங்களைச் சேர்ந்த 40 பங்கேற்பாளர்களுக்கு சுகாதாரப் பராமரிப்பு மற்றும் பாதுகாப்பு அடிப்படை மட்டம் குறித்த ஐந்து நாள் பயிற்சி நெறி நடத்தப்படும். பணிப்பாளர் / மருத்துவ கண்காணிப்பாளர், ஆலோசகர், மருத்துவ அலுவலர் - QMU, சிரேஷ்ட தர தாதி உத்தியோகத்தர், தாதி உத்தியோகத்தர், அபிவிருத்தி அலுவலர் - QMU / ICNO மற்றும் PSM பிரிவு உள்ளிட்ட 4 உறுப்பினர் குழு நிகழ்ச்சியில் பங்கேற்கிறது.
பயிற்சி நெறி பின்வரும் பரந்த பகுதிகளை உள்ளடக்கும்:
- 5S,கய்ஸான், தொடர்ச்சியான தர மேம்பாடு (CQI), மொத்த தர முகாமைத்துவம் (TQM) ஆகியவற்றின் அடிப்படை கருத்துக்கள்
- தர மேம்பாட்டு கருவிகளின் பயன்பாடு
- சுகாதாரத் தராதரங்கள் மற்றும் அங்கீகாரம்
- நோயாளியின் பாதுகாப்பு மற்றும் வெவ்வேறு மருத்துவ சிறப்புகளில் அனுபவங்களைப் பகிர்வது பற்றிய கருத்துகள்
- மருந்துப் பாதுகாப்பு
- திறன்களின் அபிவிருத்தி (விளக்கக்காட்சி திறன், மென்திறன்கள் போன்றன)
- குழுவினைக் கட்டியெழுப்புதல்
- தகவல் முகாமைத்துவத்திற்கான அறிமுகம்
இந்த பயிற்சி அமர்வுகள் சுகாதார பராமரிப்பு மற்றும் பாதுகாப்பு பணியகத்தினால் (DHQS) அங்கீகரிக்கப்பட்ட திறமையான பயிற்சியாளர்களால் நடத்தப்படும். (மருத்துவ நிர்வாகிகள், சிகிச்சை வழங்குவோர், பல்கலைக்கழக விரிவுரையாளர்கள் போன்றவர்கள்) திட்டம் பயிற்சி நெறி முடிவில் மதிப்பீட்டைக் கொண்டுள்ளது. திட்டத்தை வெற்றிகரமாக முடிக்கும் பங்கேற்பாளர்களுக்கு ஒரு சான்றிதழ் வழங்கப்படும்.
