ශ්‍රී ලංකාවේ සෞඛ්‍ය සේවාවන්හි මූලික පරමාර්ථය වී ඇත්තේ ගුණාත්මක සෞඛ්‍ය සේවාවක් සැපයීම, එය නොමිලේ ලබා දීම සහ රටපුරා සාධාරණ ආවරණයක් සහතික කිරීමයි. කෙසේ වෙතත්, සෞඛ්‍ය පද්ධතිය, රට මුහුණදෙන ජන විකාශන, වසංගත හා සමාජ සංක්‍රාන්ති යන නව අභියෝගයන්ට මුහුණ දෙයි. සෞඛ්‍ය පද්ධතිය දැනට මුහුණ දී ඇති ප්‍රධාන ගැටළු වනුයේ, ප්‍රාථමික මට්ටමේ රෝග නිවාරණ සත්කාරක ආයතන අවම භාවිතයක තිබීම, ස්වයං යොමු කිරීමේ සංස්කෘතිය සහ ඵලදායී යොමු කිරීමේ යාන්ත්‍රණයෙහි අඩුපාඩු නිසා, රෝගීන්ට ආසන්නතම ප්‍රාථමික සත්කාරක ආයතන මඟහැරීම වේ.
ප්‍රාථමික සත්කාර ප්‍රතිව්‍යුහගත කිරීමේ වැඩසටහන තුළින් ප්‍රාථමික සෞඛ්‍ය සේවා වැඩිදියුණු කිරීම සඳහා ශ්‍රී ලංකා රජය අඛණ්ඩව කැපවී සිටීයි. මෙහි මුලික පරමාර්ථය වනුයේ හොඳින් ඒකාබද්ධ වූ, පුළුල් හා කාර්යක්ෂම සෞඛ්‍ය සේවාවක් තුළින්, රට තුළ අත්විඳින රෝග ප්‍රමාණය‍ට අදාළව සියලු පුරවැසියන්ට විශ්ව සෞඛ්‍ය ආවරණයක් සහතික කිරීමයි.
සෞඛ්‍ය සේවයේ ගුණාත්මකභාවය සහ සුරක්ෂිතතාව පිළිබඳ ඉහළම ආයතනය ලෙස සෞඛ්‍ය ආරක්ෂණ ගුණාත්මක සහ සුරක්ෂිතතා අධ්‍යක්ෂ කාර්යාලය ප්‍රාථමික හා සත්කාරක ආයතන විසින් පළාත් සහ ප්‍රාදේශීය මට්ටමින් සපයනු ලබන සත්කාර සේවයේ ගුණාත්මකභාවය තක්සේරු කළ හැකි අධීක්ෂණ මෙවලමක් සහ දර්ශක සකස් කිරීමේ කාර්යය ඉටුකරන ලදී.
සෞඛ්‍ය ආරක්ෂණ ගුණාත්මක සහ සුරක්ෂිතතා අධ්‍යක්ෂ කාර්යාලය විසින් පහත සඳහන් කරුණු මත පදනම්ව, අදාළ පාර්ශවකරුවන්ගේ සහභාගීත්වයෙන්, අධීක්ෂණ මෙවලම වැඩිදියුණු කරන ලදී:
- පිරික්සුම් ලැයිස්තුව පදනම් කර ගෙන, භෞතික යටිතල ව්‍යුහයේ, පිරිසිදුකම සහ බාහිර පෙනුම
- ඖෂධ ගබඩා කිරීම සහ ලබා ගැනීම.
- රෝගී සත්කාරය සඳහා ගතවන කාලය, රෝගියා ඇතුල්වීමේ සිට පිටවීම දක්වා සමස්ත ක්‍රියාවලිය සඳහා ගතවන කාලය ගණනය කිරීම
- පිරික්සුම් ලැයිස්තුවක් මත පදනම්ව, සේවාදායක හා සැපයුම්කරුවන් අතර අන්තර්ක්‍රියා නිරීක්ෂණය කිරීම.
- සුදුසු මාර්ගෝපදේශ වලට අනුකූලව, වාර්තාකරණය සිදු කිරීම.
- ලැබුණු සත්කාරයේ ගුණාත්මකභාවය පිළිබඳ සේවාදායකයින්ගේ තෘප්තිය පරික්ෂා කිරීම
ප්‍රාදේශීය සෞඛ්‍ය සේවා අධ්‍යක්ෂ කාර්යාලය විසින්, අඛණ්ඩ අධීක්ෂණ චාරිකා සිදු කළ යුතු අතර වැඩිදුර විශ්ලේෂණය සඳහා අදාල වාර්තා කාර්තුමය පදනම මත, සෞඛ්‍ය ආරක්ෂණ ගුණාත්මක සහ සුරක්ෂිතතා අධ්‍යක්ෂ කාර්යාලය වෙත යැවිය යුතුය.
ප්‍රාදේශීය සෞඛ්‍ය සේවා අධ්‍යක්ෂ කාර්යාලය විසින්, අඛණ්ඩ අධීක්ෂණ චාරිකා සිදු කළ යුතු අතර වැඩිදුර විශ්ලේෂණය
| අයිතමය |
|
| පොදු කරුණු |
- අවට පරිසරය කුණු කසල වලින් නිදහස් වීම.
- අනවශ්‍ය ගස් හා අතු නොමැති වීම.
- උද්‍යානය නිසි ලෙස නඩත්තු කර භූමිය සකස් වී ඇත.
- රෝහලෙහි අපද්‍රව්‍ය බැහැර කරන ස්ථාන හෝ වෙනත් ස්ථාන වලින් අප්‍රසන්න දුඟදක් නොමැති විම.
- අපහරණ ජලනල කාන්දු වීම හෝ පිටාර ගැලීම් සිදු නොවීම.
- සියලුම කාණු වල ජලය එකතැන පල්වීම වළක්වාලීම.
- රෝහල් පරිශ්‍රයන්හි අයාලේ යන සුනඛයන් / බළලුන් / ගවයන් නොමැති වීම.
|
| මහජනයාට තොරතුරු/මාර්ග සොයා ගැනීම /සන්නිවේදනය |
- රෝහල් නාම පුවරුව භාෂා තුනෙන්ම පිටත ප්‍රදර්ශනය කිරීම.
- රෝහල් සිතියම භාෂා තුනෙන්ම පිවිසුම් හෝ පිළිගැනීමේ ස්ථානයේ ප්‍රදර්ශනය කිරීම.
- පුහුණුව ලත් නිලධාරියකු සමඟ තොරතුරු කවුන්ටරය රාජකාරී වේලාවන්හිදී සෑම විටම විවෘතව තැබීම.
- වැදගත් සෞඛ්‍ය තොරතුරු ලබා දීම සඳහා, රෝගීන් සිටින ප්‍රදේශවල ප්‍රදර්ශන පුවරු තිබීම. (සායන දිනයන්, වැඩ කරන වේලාවන්, ඇමතුම් මත සේවා සපයන වෛද්‍යවරයාගේ නම , සෞඛ්‍ය අමාත්‍යාංශයේ දැන්වීම්)
- රෝහල් පරිශ්‍රයේ සෑම මංසන්ධියකම දිශානති පුවරු ප්‍රදර්ශනය කිරීම.
- ක්‍රියාකාරී දුරකථන මාර්ගයක් පැවතීම.
- වාහන නැවැත්වීමේ ස්ථාන නිශ්චිතව දක්වා සලකුණු කර තිබීම.
|
| ජල සැපයුම සහ විදුලිය |
- ජලය, නල මාර්ගයෙන් යුක්ත වේ.
- ළිඳකින් ජලය ඇද ගනී.
- ජල ටැංකිය / ළිඳ
- ජලයේ ගුණාත්මකභාවය සඳහා නියැදිය පරීක්ෂා කර තිබේද?
- රෝගීන්ට පිරිසිදු පානීය ජලය ලබා දී තිබේද?
- කාර්ය මණ්ඩලයට පිරිසිදු පානීය ජලය ලබා දී තිබේද?
- පරිශ්‍රයේ ජලකාන්දු නොවීම.
- ජෙනරේටර් යන්ත්‍ර පැවතීම හා ඒවා වැඩ කරන පිළිවෙල.
- අනවශ්‍ය විදුලි පහන් සහ විදුලි පංකා ක්‍රියා විරහිත කර ඇති අතර එමඟින් විදුලි නාස්තිය නොමැති වීම.
|
| සාමාන්‍ය බාහිර රෝගී අංශය |
- රෝගීන් රැදී සිටින ප්රදේශ වල ප්‍රමාණවත් ආසන පහසුකම් ඇත. (අවම වශයෙන් දෛනික පැමිණීමෙන් 1/4 ක්)
- ආසන පහසුකම් පිළිවෙලට සකස් කර ඇත.
- රෝගීන් රැදී සිටින ප්රදේශ වල සැලසුම, හොඳින් සංවිධානය වී ඇත.
- පොරොත්තු ප්‍රදේශයේ ප්‍රමාණවත් ලෙස වාතාශ්‍රය ඇත.
- රෝගීන් පරික්ෂාව සඳහා කලින් දින / වේලාවන් වෙන්කර දීමේ ක්‍රමයක් තිබීම.
- ඇඳුම් පැළඳුම් කාමරය.
- පිරිසිදු තුවා සහ සබන් සහිත දෑත් සේදීම සඳහා ජල බේසම් (Sink) තිබීම.
- ශල්‍ය අත්වැසුම් තබා ඇති අතර ඒවා ප්‍රමාණයන්ට අනුව සකස් කර ඇත.
- ලේබල් කරන ලද විෂබීජහරණය කළ උපකරණ, පැකට් සහ ඇඳුම්, අල්මාරියක තබා ඇත.
- එන්නත් කාමරය.
- පිරිසිදු තුවා සහ සබන් සහිත දෑත් සේදීම සඳහා ජල බේසම් (Sink) තිබීම.
- ශල්‍ය අත්වැසුම් තබා ඇති අතර ඒවා ප්‍රමාණයන්ට අනුව සකස් කර ඇත.
- ලේබල් කරන ලද විෂබීජහරණය කළ උපකරණ, පැකට් සහ ඇඳුම් අල්මාරියක තබා ඇත.
- බාහිර රෝගී අංශයෙහි වැසිකිලි කැසිකිලි පහසුකම්.
- ප්‍රමාණවත් පරිදි ක්‍රියාකාරී තත්වයෙහි වැසිකිලි කැසිකිලි පහසුකම් පැවතීම.
- ආබාධිත පුද්ගලයින් සඳහා වැසිකිලි පහසුකම් පැවතීම.
- වැසිකිළි වල අප්‍රසන්න දුඟදක් නොමැති වීම.
- පිරිසිදු කිරීමේ පිරික්සුම් ලැයිස්තුවක් පැවතීම සහ දිනපතා සලකුණු කිරීම.
- වැසිකිළි වලට ප්‍රමාණවත් ලෙස වාතාශ්‍රය ලැබීම.
- ජල සැපයුම් පැවැතීම.
|
| දන්ත ඒකකය |
- ක්‍රියාකාරීත්වයේ දන්ත ඒකකයක් තිබීම. (දන්ත පුටුව, Scaling යන්ත්‍රය, Restoration යන්ත්‍රය).
- දන්ත ඒකකයේ අප්‍රසන්න දුඟදක් නොමැතිවීම.
- පිරිසිදු කිරීමේ පිරික්සුම් ලැයිස්තුව සහ ඒවා ලකුණු කිරීම.
- ප්‍රමාණවත් ආලෝකකරණයක් සහ වාතාශ්‍රයක් තිබීම.
- ජලය ලබා ගැනීමේ හැකියාව.
- දන්ත ශල්‍ය වෛද්‍යවරයකු විසින් දිනකට පරික්ෂා කරන රෝගීන් සංඛ්‍යාවේ සාමාන්‍ය අගය.
|
| ETU |
- හදිසි ප්‍රතිකාර ඒකකය ක්‍රියාකාරී තත්වයෙහි පැවැතීම.
- වෙනම රෝගීන් ලියාපදිංචි කිරීමේ ලේඛනයක් පැවතීම.
- අත්‍යවශ්‍ය උපකරණ වලට ඉක්මනින් ප්‍රවේශ විය හැකි ස්ථානයක තිබීම.
- ක්‍රියාකාරී Nebulizer උපකරණ තිබීම.
- ඔක්සිජන් සිලින්ඩර පුරවා තිබීම.
- වූෂණ (Sucker Machine) යන්ත්‍රයක් තිබීම.
- Endotracheal Tube නල සහ Tracheotomy Tube තිබීම.
- ග්ලූකෝමීටරය හා අවශ්‍ය පරික්ෂණ ද්‍රව්‍ය තිබීම.
- ECGයන්ත්‍රසහ Defibrillator යන්ත්‍ර තිබීම.
- මුහුණු ආවරණ සහිත Ambu බෑග් තිබීම.
|
| ECG කාමරය |
- රෝහල තුළ ECG කාමරයක් තිබීම.
- දිනකට ගනු ලබන ECG ගණන.
|
| සෙම සාම්පල් එකතු කිරීමේ මධ්‍යස්ථානය |
- සෙම සාම්පල් එකතු කිරීමේ මධ්‍යස්ථානයක් පවති.
|
| සුවදිවි සායනයෙහි ක්‍රියාකාරකම් |
- පැමිණීමේ ගැහැණු / පිරිමි අනුපාතය පෙර මාසය සඳහා.
- පසුගිය මාසයේ මෙහි පවත්වන ලද ජීවන රටා මාර්ගෝපදේශ සැසි ගණන.
- පසුගිය මාසය තුළ ජීවන රටා මාර්ගෝපදේශ සායන සඳහා සහභාගී වූවන්ගේ මුළු සංඛ්‍යාව.
|
| මානව සම්පත් |
- වැඩමුර ලේඛනය කාර්යාලයේ ප්‍රදර්ශනය කර තිබීම.
- අධීක්ෂණ දිනයේදී, පැමිණීම සංඛ්‍යාව හා නොපැමිණි සංඛ්‍යාව ප්‍රතිශතයක් ලෙස
- වෛද්‍යවරු
- හෙදියන්
- වින්නඹු මාතාවන්
- වෛද්‍ය රසායනාගාර කාර්මික විද්‍යඥ
- ඖෂධවේදින්
- සුළුහා වෙනත් කාර්ය මණ්ඩලය
- වේලාවට වැඩකිරීම: රතු ඉරෙන් පසු අත්සන් කරන කාර්ය මණ්ඩලයේ ප්‍රතිශතය
- ප්‍රමුඛතා පුරප්පාඩු
|
| පුද්ගලික වෛද්‍ය වාර්තා |
- පුද්ගලික වෛද්‍ය වාර්තා නිකුත් කිරීම සඳහා ලේඛනය නඩත්තු කිරීම.
- ලේඛනයට අනුව පුද්ගලික වෛද්‍ය වාර්තා අවසන් වරට නිකුත් කළ දිනය.
|
| ගිලන් රථ පහසුකම් |
- ගිලන් රථ පහසුකම් තිබේද?
- ඔව් නම්, එය වැඩ කරන තත්වයෙහි තිබේද?
- නවතා තැබීම සඳහා වෙන්කළ ස්ථානයක් පැවතීම.
|
| රෝහල් සංවර්ධන කමිටුව |
- රෝහල් සංවර්ධන කමිටුවක් පැවතීම.
- රෝහල් සංවර්ධන කමිටුව අවසන් වරට රැස්වූ දිනය.
- රැස්වීම් වල වාර්තා පැවතීම.
|
| ලොග් පොත |
- අමුත්තන් සඳහා ලොග් සටහන් පොතක් පැවතීම.
|
| පරිත්‍යාග ලේඛනය |
- රෝහලෙහි පරිත්‍යාග ලේඛනයක් පැවතීම.
|
| අදහස් හා යෝජනා පෙට්ටිය |
- අදහස් හා යෝජනා පෙට්‍ටිටයක් පැවැතීම.
- පසුගිය මාසයට අනුව අදහස් හා යෝජනා ක්‍රියාත්මක කල ප්‍රතිශතය.
|
| පරිපාලන කමිටු |
- ඖෂධ සමාලෝචන කමිටුව.
- පසුගිය කාර්තුවෙහි පැවැත්වූ රැස්වීම් ගණන.
- රැස්වීම් වල වාර්තා පැවතීම.
- රෝහල් කළමනාකරණ කමිටුව.
|
-
විස්තර
-
4429views
